SEMİNARLAR

s.n.	Məruzəçi		Dərəcə, vəzifə		Mövzu		Kafedra		Tarix	Məkan
1.	Rəhimov Kərim Qənbər oğlu		Dosent Kafedra müdiri		Tarixi abidələrdə erməni saxtakarlığının ifşasının müasir innovativ üsullarla sübutu yolları		Kristalloqrafiya, mineralogiya və geokimya		30.11.22	Aud.208
Xülasə: Dünyanın müxtəlif ölkələrində (Qədim Misir, Roma, Skandinaviya, Qərbi Avropa, Çin, Orta Asiya, Qafqaz dövlətləri) bizim eradan əvvəlki dövrlərdən bizim eranın XIX yüzillikklərinə qədər tarixi abidələrin tikintisində istifadə olunmuş əhəng, gips, gips pussolan qarışığı, portland sement və digər bağlayıcıların tədqiqinə aid elmi nəşrlər araşdırılmış, bağlayıcıların hazırlanma texnologiyalarının ümumi və fərqli cəhətləri müəyyən edilmişdir. Məruzədə hörgü daşları və bağlayıcıların rentgenoqrafik, differensial termik, infraqırmızı spektroskopiya, elektron mikroskopik tədqiqatlarla fərqləndirilməsinin, nisbi yaşalarının müəyyən edilməsinin elmi prinsipləri araşdırılmışr, 30 il işğal altında qalmış Qafqaz Albaniyasının xristian tarixi abidələrində erməni saxtalaşdırılmalarının müasir elmi üsullarla sübutu yolları göstərilmişdir.
2.	Rəhimov Kərim Qənbər oğlu		Dosent Kafedra müdiri		Kaolin gillərinin hidrotermal çevrilməsi ilə alınan JWB tip aşağı silisiumlu seolitlərin quruluş tədqiqatları		Kristalloqrafiya, mineralogiya və geokimya		05.05.22	Yeni bina Akt zalı
Xülasə: Seolitlər mikroməsaməli kristallik alüminosilikatlardır. Onların quruluşlarında dörd körpü oksigeni ilə birləşən silisium-alüminium-oksigen tetraedrləri böyük boşluqlar və kanallar vasitəsilə üçölçülü karkaslar əmələ gətirir. Boşluqlarda yerləşən Na+, K+, Ca+2, Cs+, Rb+ kimi aşağı yüklü, böyük ölçülü kationlar və su molekulları digər uyğun kationlarla mübadilə edə bilirlər. JWB seolitinin sintezi Çovdar yatağından olan kaolinlərin hidrotermal transformasiyası yolu ilə həyata keçirilmişdir. Çovdar yatağından olan kaolinlərin oksid tərkibi rentgen spektral analizi ilə müəyyən edilmişdir: SiO₂-46.61, Al₂O₃-36.44, TiO₂-0.67, Fe₂O₃-0.10, FeO-0.02, CaO-0.26, MgO-1.12, Na₂O-0.05, K₂O-0.17, Pnn-14.36, H₂O-0.32.% .Kaolinlərin kimyəvi tərkibi, əsas oksidlərin nisbətinə görə (SiO₂./Al₂O₃) seolitlərin sintezi üçün əlverişli xammallardır. Seolitlərin sənaye istehsalının yüksək temperaturda aparılmasının iqtisadi cəhətdən səmərəli olmadığını nəzərə alaraq, təcrübələr orta temperaturlarda hidrotermal şəraitlərdə aparılmışdır.
3.	Şirinova Afət Fəxrəddin qızı		Dosent		Структурный механизм образования ортосиликатов и их аналогов		Kristalloqrafiya, mineralogiya və geokimya		22.12.22	Aud.208
Xülasə: Представлены результаты кристаллохимического исследования роли металлических катионов, родоначальных структурных миналов и структурных единиц в процессе формирования структур орто- и метасиликатов. Выявлено что, в структурах ортосиликатов для мелких катионов октаэдрическая координация обеспечивается при высоких температурах за счет увеличения размера сферы колебания атома. Для крупных катионов октаэдрическая координация является верхним пределом устойчивости структуры и, поэтому, для них характерен оливиноподобный структурный тип.
4.	Məmmədova Aygün Qalib qızı		Baş müəllim		Mis-pirrotin filizlərində kobalt və nikelin paylanmasının geokimyəvi xüsusiyyətləri		Kristalloqrafiya, mineralogiya və geokimya		24.02.23	Aud.203
Xülasə: Filiz yataqlarında mis-pirrotin filizlərinin yeri, onların mineral tərkibinin və tekstur-struktur xüsusiyyətlərinin, mis-pirrotin filizlərində kobaltın və nikelin paylanma xüsusiyyətlərinin, baş elementlərlə qarşılıqlı əlaqələrinin, onların fərdi, toplayıcı və daşıyıcı minerallarının müəyyən edilməsi, litoloji tərkib, yan süxurların hidrotermal dəyişməsi, filiz cisminə nisbətən məkanca yerləşmə, filizlərin mikroskopik və analitik metodların seçilməsi və s. araşdırılımışdır.
5.	Yüzbaşova Ülviyyə Ağa Həsən qızı	Böyük laborant, dissertant		Skapolit qrupu minerallarının kristallokimyası		Kristalloqrafiya, mineralogiya və geokimya		01.05.2023		Yeni bina akt zalı
Xülasə: Karkas quruluşlu süxur əmələgətirən alümosilikatlara aid edilən skapolit qrupu mineralları müxtəlif maqmatik və metamorfik süxurlarda geniş yayılmışdır. Daşkəsən metasomatitlərindən götürülmüş skapolit nümunələrinin kristal quruluşları və kristallokimyəvi xüsusiyyətləri araşdırılmış, yataqda skapolitlərin alümosilikat vulkanogen süxurlarda, mərmərlərdə, skarnlaşmış dayka və intruziv əmələ gəlmələrdə rast gəlməsi və metsomatik olaraq ilkin plagioklazları əvəz olunması göstərilmişdir.
6.	Şirinova Afət Fəxrəddin qızı	Dosent		Qarışıq quruluşlu silikatların müqayisəli kristallokimyası		Kristalloqrafiya, mineralogiya və geokimya		27.10.2023		Aud.202
Xülasə: İlk dəfə olaraq qarışıq quruluşlar müxtəlif ölçülü heteropoliedrik komplekslərin və ya struktur vahidlərinin (modulların) birləşməsi kimi qəbul edilir. Qarışıq quruluşları ayırarkən, kimyəvi tərkibdə əlavə anionların və ya anion qruplarının olması, eyni metallik kationların müxtəlif kristalloqrafik vəziyyətlərdə yerləşməsi, müxtəlif ölçülü metal kationlarının və müxtəlif növ silisium-oksigen radikallarının kimyəvi tərkibində olması və quruluş vahidlərinin ən azı iki müxtəlif strukturdan formalaşması nəzərə alınmışdır. Qarışıq quruluş anlayışı mineralın əmələgəlmə proseslərinin modelləşdirilməsi və qeyri-üzvi sistemlərin məqsədyönlü öyrənilməsi üçün əlverişlidir.
7.	Məmmədova Aygün Qalib qızı	Baş müəllim		Mazımçay mis-kolçedan yatağı filizlərinin mineraloji tərkibi				27.11.2023		Aud.202
Xülasə: Mazımçay mis-kolçedan yatağı filizlərində müasir mineraloji tədqiqatlar ilə aşkar edilmiş 60-dan çox filiz və qeyri-filiz hipogen mineralların, 30-dan çox hipergen mineralın əmələ gəlmə mərhələlərinə, generasiyalarına, tipomorf xüsusiyyətlərinə və paragenezislərinə aydınlıq gətirilmişdir. Mazımçay mis-kolçedan yatağının genezisi Böyük Qafqazın cənub yamacında olan kolçedan yataqları ilə müqayisəli təhlili verilmiş. Minerl əmələ gəlmə mərhələlərinin oxşar və fərqli cəhətləri göstərlimişdir.
8.	Rəhimov Kərim Qənbər oğlu	Dosent Kafedra müdiri		Hidrotermal mühitlərdə seolit faza əmələ gəlmələrin kristallokimyəvi xüsusiyyətləri		Kristalloqrafiya, mineralogiya və geokimya		29.11.2023		Aud.201
Xülasə: Seminar məruzəsində homogen və heterogen quruluşlu silikat və alümosilikatların, onların qeyri-silikat analoqlarının əmələ gəlməsinin kristallokimyəvi mexanizmi araşdırılır. Faza əmələ gəlmənin hidrotermal mühitin fiziki-kimyəvi şəraitindən (təzyiq, temperatur, qatılıq) və mineral əmələ gətirən komponentlərin oksid nisbətlərindən oksid-qələvi kation, oksid-tetraedrik kation, bərk və maye fazanın nisbəti və digər kristallokimyəvi faktorlardan asılı olaraq verilmiş mühitdə stabil mineral assosiasiyalarının yaranma mexanizminin səbəbləri göstərlir.