İstiqamət: Azərbaycanın qeyri-filiz və filiz yataqları və təzahürlərinin mioneralogiyası və geokimyası
1. Qarışıq quruluşlu silikatlarda quruluş tipomorfizmi, yeni mineralların tərkibinin proqnozlaşdırılması və quruluşun modelləşdirilməsinin kristallokimyəvi aspektləri
Mövzunun rəhbəri: dosent Kərim Rəhimov
İcraçılar: dosent Afət Şirinova
Məqsəd: Mikrosəviyyədə mineral əmələgəlmə proseslərində əldə edilmiş nəticələr əsasında mineralların kristal quruluşlarında gizli faydalı komponentlərin paylanma qanunauyğunluqlarının öyrənilməsi
Nəticə: Müxtəlif ölçülü heteropoliedrik komplekslərin və ya struktur vahidlərin müxtəlif nisbətlərdə birləşməsi kimi qəbul edilən qarışıq quruluş hadisəsinə aydınlıq gətirilməsi
Təcrübi əhəmiyyəti: Qarışıq quruluşların öyrənilməsi, mineral əmələgəlmə proseslərində mühüm rol oynayan qarışıq quruluş əmələ gəlmənin kristallokimyəvi mexanizminin modelləşdirilməsi
2. Hidrotermal mühitdə homogen və heterogen karkaslı silikatların quruluşlarının formalaşma mexanizmi və müqayisəli kristallokimyası
Mövzunun rəhbəri:dosent Kərim Rəhimov
İcraçılar: dosent Kərim Rəhimov
Məqsəd: Müxtəlif quruluşlu silikat mineralları əsasında mikroməsaməli karkas alümosilikatların, seolitlər və seolitə bənzər quruluşlu mineralların hidrotermal şəraitlərdə kristallokimyəviformalaşma mexanizminin öyrənilməsi
Nəticə: 7NaO∙Al2O3∙34SiO2∙6CaO∙NaCl∙KF tərkibli sintetik şüşələrin KOH mühitində hidrotermal kristallaşması ilə, K4Na2 [Ca2 (Si6Al2O19)(F,Cl)2]·H2O tərkibli, qarışıq karkas quruluşlu delxayelit mineralının yeni növmüxtəlifliyi alınmış, monoklinik qəfəsin parametrləri “APEX-II ADVANCE” avtodifraktometrində dəqiqləşdirilmişdir: a=11,783 (5); b=8,512 (4); c=11,662 (7),β=112,70, fəza qrupu P21/m, z=2.
Təcrübi əhəmiyyəti: İon dəyişdiricilərin adsorbentlər kimi istifadə edilən qarışıq quruluşlu silikatların alınması
3. Daşkəsən intruziyasının silikat minerallarının quruluşu, quruluş tipomorfizmi və mineraloji-kristallokimyəvi səciyyəsi
Mövzunun rəhbəri: dosent Kərim Rəhimov
İcraçılar: Aygün Məmmədova, Ülviyyə Yüzbaşova
Məqsəd: Daşkəsən intruziyasında rast gələn silikat minerallarının quruluş, tərkib, əmələgəlmə şəraiti arasında koorelyasiyaların tapılması
Nəticə: Daşkəsən metasomatitlərindən götürülmüş paravollastonitin – Ca3Si3O9 kristal quruluşunun dəqiqləşdirilməsi nəticəsində vollastonit ailəsinə xaratkter olan [Ca(H2O)3[Si3O5(OH)5] - tərkibli quruluş vahidinin əmələ gəldiyi müəyyən edilmiş və bununəsasında intruziyada bir sıra yeni kalsium silikatlarının mövcudluğu kristallokimyəvi cəhətdən əsaslandırılmışdır.
Təcrübi əhəmiyyəti: Müxtəlif mineral əmələgəlmə şəraitində vollastonitinin quruluşca fərqli politip modifikasiyalarının alınmasının səbəblərinin müəyyən edilməsi