Azərbaycanlıların Soyqırımı Günü
BDU könüllüləri təşkilatı Geologiya, Coğrafiya və Mexanika-Riyaziyyat fakültələrinin birgə əməkdaşlığı çərçivəsində "31 Mart Azərbaycanlıların Soyqırımı Günü"nə həsr olunmuş tədbir keçirildi. Tədbir Azərbaycan Respublikasının Dövlət Himni və soyqırım nəticəsində həlak olan soydaşlarımızın xatirəsinə ehtiram əlaməti olan 1 dəqiqəlik sükutla başladı. Tədbir BDU könüllüləri təşkilatının müvafiq fakültələr üzrə sədrləri Fazil Bəhramov , Toğrul Ələkbərov və Lalə Abbasovanın həmçinin Geologiya fakültəsinin müəllimi Ələkbər Mirzəyev, Coğrafiya fakültəsinin dekanı Məqsəd Qocamanov və dekan müavini Ramiz Əhlimanovun nitqləri ilə davam etdi. Tədbirdə həmçinin Mexanika-Riyaziyyat fakültəsinin dekan müavinləri Etibar Əhmədov və Alı Əliyev də iştirak edirdi. Daha sonra bədii hissə başladı. Bədii hissədə Uyğun olaraq Mexanika-Riyaziyyat fakültəsinin 3 tələbəsi: Cəfərova Nuray , Ələkbərov Toğrul və Nəsibova Fatimənin çıxışları, Soyqırımı əks etdirən qısametrajlı videorolik, Coğrafiya fakültəsinin 3 tələbəsi: Nigar Ağazadə, Nərmin İsmayılova və Aysel Həsənəliyevanın çıxışları ilə davam etdi. Sonda hər bir şəxsə təşəkkür bildirildi və xatirə fotoları çəkildi
