Geologiya fakültəsinin bir qrup profesor-müəllim heyəti Filizçay kolçedan-polimetal yatağında olmuşlar
Bakı Dövlət Universiteti ilə “AzerGold” Qapalı Səhmdar Cəmiyyəti arasında imzalanmış 2022-2023-cü il üzrə fəaliyyət planına müvafiq olaraq 20-21 iyul 2022-ci il tarixlərində Geologiya fakültəsinin bir qrup profesor-müəllim heyəti (Fakültə dekanı dosent Mamoy Mansurov, professor Nazim İmamverdiyev, doktorant Nigar Səttar-zadə) "AzerGold" QSC-nin kontrakt sahəsindəki Filizçay kolçedan-polimetal yatağında (Balakən-Zaqatala filiz rayonu) olub. Onlar şirkətin Geoloji kəşfiyyat şöbəsinin müdir müavini, Fuad Hüseynov və digər əməkdaşlarla birlikdə yataq ərazisində müşahidələr aparmış, kolçedan-polimetal filizləşməsinin yerləşmə qanunauyğunluğu, əmələ gəlməsinin geoloji və fiziki-kimyəvi şəraitləri, iqtisadi mənimsənilməsi və istismarının ekoloji problemləri mövzusu ətrafında fikir mübadiləsi aparmışlar. Bu səfərin təşkilinə və göstərilən dəstəyə görə “AzerGold” Qapalı Səhmdar Cəmiyyətinin rəhbərliyinə, xüsusən də İnsan resurslarının idarəolunması şöbəsinin baş mütəxəssisi Valid Əliyevə və Fuad Hüseynova təşəkkürümüzü bildiririk.
