Bakı Dövlət Universiteti Geologiya fakültəsi

Azərbaycan Respublikası Gənclər fondunun maliyyə dəstəyilə keçirilən “İdeyanı Reallaşdır 2023” qrant layihəsində qalib olmuş “Peyk təsvirlərindən istifadə etməklə palçıq vulkanlarında geoekoloji təhlil” layihəsi çərçivəsində Şamaxı rayonunda yerləşən Dəmirçi palçıq vulkanına layihə rəhbəri Pünhan Səmədlinin təşkilatşılığı ilə tələbələrin elmi ekskursiyası təşkil edilmişdir. Elmi ekskursiyanın məqsədi tələbələri palçıq vulkanları ilə tanış etmək və bəzi qısa elmi təcrübələrin aparılması olmuşdur. Belə ki,vulkanda metan qaz çıxışının ölçülməsi “VENTIS MX4” cihazı vasitəsilə aparılmışdır.

Ekskursiyanın işində Neft və Qaz İnstitutu, ADNSU, SDU, Milli Aviasiya Akademiyası və Bakı Dövlət Universitetinin Geologiya fakültəsinin tələbələri iştirak etmişlər.Ekskursiya və orada aparılan ölçmə işlərinin nəticələri iştirakçılar tərəfindən maraqla qarşılanmışdır.

Sonda qrant layihəsi çərçivəsində Neft və Qaz İnstitutunda tədbir keçirilmişdir.Tədbirdə Şamaxı rayonunda yerləşən Dəmirçi palçıq vulkanında elmi ekskursiya zamanı aparılmış təcrübələrin təhlili,vulkanda metan çıxışlarının iqlim dəyişikliyində rolu haqqında məlumat verilmiş və mövzu haqqında geniş müzakirələr aparılmışdır.Tədbirin sonunda ekskursiyada fəal aktivlik göstərən gənc tədqiqatçı və tələbələrə sertifikat təqdim edilmişdir.