Bakı Dövlət Universiteti Geologiya fakültəsi

Bakı Dövlət Universitetinin Geologiya fakültəsində Türkiyənin Kocaəli Universitetinin professoru Tekin Yekin olmuşdur. O, fakültənin professor-müəllim heyəti ilə görüşmüş, mühəndislik, geofizika və seysmologiya sahələri üzrə qarşılıqlı akademik tədqiqatlar və layihələr üzrə fikir mübadiləsi aparılmışdır. Göllər bölgəsinin (Türkiyə) Yer qabığının geoloji quruluşu, seysmik sürətin paylanması, paleotektonik xüsusiyyətləri və neotektonik modelləşdirmə layihəsi ilkin olaraq müzakirə edilmişdir.

Eyni zamanda professor Tekin Yekin "Geologiya və geofizika mühəndisliyi" ixtisası üzrə tələbələrə ustad dərsi vermişdir. O, Türkiyənin cənub-şərqində fevral ayında baş vermiş son dəhşətli zəlzələnin səbəbləri, mexanizmi və fəsadları, riskləri barədə ətraflı məlumatlar vermişdir.