Bakı Dövlət Universiteti ilə “AzerGold” arasında əməkdaşlıq
Bakı Dövlət Universiteti ilə “AzerGold” Qapalı Səhmdar Cəmiyyəti arasında imzalanmış 2022-2023-cü il üzrə fəaliyyət planına müvafiq olaraq 03 iyun 2022-ci il tarixində Geologiya fakültəsinin bir qrup profesor-müəllim və tələbə heyətinin "AzerGold" QSC-nin Çovdar Filiz Emalı Sahəsinə tanıtım-təcrübə səyahəti həyata keçirilib. Səyahətdə 7 nəfər professor-müəllim və 11 nəfər tələbə heyyəti iştirak edib. Səyahət zamanı əməkdaşlar Çovdar qızıl mədənində, filizlərin qırılması və aşındırılması meydançalarında, filiz və kern anbarlarında, həmçinin filiz emalı zavodunda olmuş, prosesləri izləyib. Yekunda tanıtım-təcrübə səyahəti ilə bağlı toplantı keçirilmişdir. Toplantıda “AzerGold” QSC-nin İnsan resurslarının idarəolunması şöbəsinin baş mütəxəssisi Valid Əliyev, şirkətin aparıcı geoloq-mühəndisləri Məmmədağa Talıbov, Sultan Cəfərov, Ramil Şahməmmədov, fakültə dekanı Mamoy Mansurov, dekan müavini İlqar Quliyev, əməkdaşlardan isə Ümumi və tarixi geologiya kafedrasının müdiri Nazim İmamverdiyev, Kristalloqrafiya, mineralogiya və geokimya kafedrasının müdiri Kərim Rəhimov, Faydalı qazıntılar kafedrasının müəllimi Azər Hüseynov, Hidrogeologiya və mühəndis geologiyası kafedrasının müəllimi Ələkbər Mirzəyev və başqaları çıxış edərək öz fikirlərini bölüşüblər.
